mayassar KHud nigah-dari ki aasaish nahin rahti
mohabbat mein to pesh-o-pas ki gunjaish nahin rahti

Saima Esma

---

---

na-jaane kaisi nigahon se maut ne dekha
hui hai nind se bedar zindagi ki main hun

Saima Esma

---

---

naqsh jab zaKHm bana zaKHm bhi nasur hua
ja ke tab koi masihai pe majbur hua

Saima Esma

---

---

hum ko pahle bhi na milne ki shikayat kab thi
ab jo hai tark-e-marasim ka bahana hum se

Sajid Amjad

---

---

aur ek choT dijiye mujh ko!
meri taklif na-mukammal hai

Sajid Asar

---

---

aisi aag falak se barsegi ek din
KHak hawa pani patthar jal jaenge

Sajid Hameed

---

---

dard itna bhi nahin hai ki chhupa bhi na sakun
bojh aisa bhi nahin hai ki uTha bhi na sakun

Sajid Hameed

---

---