tumhein parwa na ho mujh ko to jins-e-dil ki parwa hai
kahan DhunDun kahan phenki kahan dekhun kahan rakh di

Saail Dehlvi

---

---

ye masjid hai ye mai-KHana tajjub is par aata hai
janab-e-shaiKH ka naqsh-e-qadam yun bhi hai aur yun bhi

Saail Dehlvi

---

---

gulshan ki faqat phulon se nahin kanTon se bhi zinat hoti hai
jine ke liye is duniya mein gham ki bhi zarurat hoti hai

Saba Afghani

---

---

jo aa ke ruke daman pe 'saba' wo ashk nahin hai pani hai
jo ashk na chhalke aaankhon se us ashk ki qimat hoti hai

Saba Afghani

---

---

jo aa ke ruke daman pe 'saba' wo ashk nahin hai pani hai
jo ashk na chhalke aaankhon se us ashk ki qimat hoti hai

Saba Afghani

---

---

karna hi paDega zabt-e-alam pine hi paDenge ye aansu
fariyaad-o-fughan se ai nadan tauhin-e-mohabbat hoti hai

Saba Afghani

---

---

aaina kaisa tha wo sham-e-shakebai ka
samna kar na saka apni hi binai ka

Saba Akbarabadi

---

---