achchhi pi li KHarab pi li
jaisi pai sharab pi li

Riyaz Khairabadi

---

---

ahl-e-haram se kah do ki bigDi nahin hai baat
sab rind jaante hain abhi parsa mujhe

Riyaz Khairabadi

---

---

aisi hi intizar mein lazzat agar na ho
to do ghaDi firaq mein apni basar na ho

Riyaz Khairabadi

---

---

allah-re nazuki ki jawab-e-salam mein
hath us ka uTh ke rah gaya mehndi ke bojh se

Riyaz Khairabadi

---

---

azan ka kaam chal jae jo naqus-e-barahman se
baDa ye bojh utre ai moazzin teri gardan se

Riyaz Khairabadi

---

---

aDe pak tinat baDe saf baatin
'riyaz' aap ko kuchh hamin jaante hain

Riyaz Khairabadi

---

---

aghban kaam hamein kya hai wo ujDe ki rahe
jab hamin bagh se nikle to nasheman kaisa

Riyaz Khairabadi

---

---