pi li hum ne sharab pi li
thi aag misal-e-ab pi li
achchhi pi li KHarab pi li
jaisi pai sharab pi li
aadat si hai nashsha na ab kaif
pani na piya sharab pi li
chhoDe kai din guzar gae the
aai shab-e-mahtab pi li
munh chum le koi is ada pe
sarka ke zara naqab pi li
manzur thi shustagi zaban ki
thoDi si sharab-e-nab pi li
daDhi ki nahin 'riyaz' ab sharm
jab pa gae be-hisab pi li
Ghazal
Pi li humne sharab pi li
Riyaz Khairabadi