dil ek aisa kasa hai jis ki gahrai mat puchho
jitne sikke Daloge utna KHali rah jaega

Rana Amir Liyaqat

---

---

dil qanaat zara si karta to
har mohabbat thi aaKHiri meri

Rana Amir Liyaqat

---

---

gale laga ke mujhe puchh masala kya hai
main Dar raha hun tujhe haal-e-dil sunane se

Rana Amir Liyaqat

---

---

har sans nai sans hai har din hai mera din
taqdir liye aati hai har roz naya din

Rana Amir Liyaqat

---

---

hazar raste tere hijr ke ilaj ke hain
hum ahl-e-ishq zara muKHtalif mizaj ke hain

Rana Amir Liyaqat

---

---

inT se inT joD kar, KHwab bana raha hun main
raKHne na Dal mere yar' KHwab ki dekh-bhaal mein

Rana Amir Liyaqat

---

---

is daur-e-na-murad se ye tajraba hua
diwar guftugu ke liye behtarin hai

Rana Amir Liyaqat

---

---