sirf is shauq se puchhi hain hazaron baaten
main tera husn tere husn-e-bayan tak dekhun

Ahmad Nadeem Qasmi

---

---

subh hote hi nikal aate hain bazar mein log
gaThriyan sar pe uThae hue imanon ki

Ahmad Nadeem Qasmi

---

---

tujh se kis tarah main izhaar-e-tamanna karta
lafz sujha to maani ne baghawat kar di

Ahmad Nadeem Qasmi

---

---

tum mere iradon ke Dolte sitaron ko
yas ke KHalaon mein rasta dikhate ho

Ahmad Nadeem Qasmi

---

---

tu ne yun dekha hai jaise kabhi dekha hi na tha
main to dil mein tere qadmon ke nishan tak dekhun

Ahmad Nadeem Qasmi

---

---

umr bhar sang-zani karte rahe ahl-e-watan
ye alag baat ki dafnaenge eazaz ke sath

Ahmad Nadeem Qasmi

---

---

un ka aana hashr se kuchh kam na tha
aur jab palTe qayamat Dha gae

Ahmad Nadeem Qasmi

---

---