wo sanp jis ne mujhe aaj tak Dasa bhi nahin
tamam zahr suKHan mein mere usi ka hai

Nomaan Shauque

---

---

wo tanz ko bhi husn-e-talab jaan KHush hue
ulTa paDha gaya, mera paigham aur tha

Nomaan Shauque

---

---

wo to kahiye aap ki KHushbu ne pahchana mujhe
itr kah kar jaane kya kya bechte attar log

Nomaan Shauque

---

---

wo to kahiye aap ki KHushbu ne pahchana mujhe
itr kah ke jaane kya kya bechte attar log

Nomaan Shauque

---

---

ye KHwab kaun dikhane laga taraqqi ke
jab aadmi bhi adad mein shumar hone lage

Nomaan Shauque

---

---

zara ye hath mere hath mein do
main apni dosti se thak chuka hun

Nomaan Shauque

---

---

ek saneha sa dafn hun lekin kabhi kabhi
sadiyon ki qabr se bhi uThaya gaya hun main

Noman Imam

---

---