tabah kar to dun zahir-parast duniya ko
ye aaine bhi mere log hi banate hain

Nomaan Shauque

---

---

tauq-e-badan utar ke phenka zamin se dur
duniya ke sath chalne se inkar kar diya

Nomaan Shauque

---

---

tere baghair koi aur ishq ho kaise
ki mushrikon ke liye bhi KHuda zaruri hai

Nomaan Shauque

---

---

tum to sardi ki hasin dhup ka chehra ho jise
dekhte rahte hain diwar se jate hue hum

Nomaan Shauque

---

---

us ka milna koi mazaq hai kya
bas KHayalon mein ji uTha hun main

Nomaan Shauque

---

---

us ne hans kar hath chhuDaya hai apna
aaj juda ho jaane mein aasani hai

Nomaan Shauque

---

---

wo mere lams se mahtab ban chuka hota
magar mila bhi to jugnu pakaDne walon ko

Nomaan Shauque

---

---