kabhi to sard laga dopahar ka suraj bhi
kabhi badan ke liye ek karan ziyaada hui

Naseem Sahar

---

---

lafz bhi jis ahd mein kho baiThe apna e'tibar
KHamushi ko is mein kitna mo'tabar main ne kiya

Naseem Sahar

---

---

safar ka marhala-e-saKHt hi ghanimat tha
Thahar gae to badan ki thakan ziyaada hui

Naseem Sahar

---

---

kuchh KHud bhi hun main ishq mein afsurda o ghamgin
kuchh talKHi-e-haalat ka ehsas hua hai

Naseem Shahjahanpuri

---

---

main ne mana aap ne sab kuchh bhula Dala magar
ghair-mumkin hai kabhi mera KHayal aata na ho

Naseem Shahjahanpuri

---

---

sar-e-mahshar agar pursish hui mujh se to kah dunga
sarapa jurm hun ashk-e-nadamat le ke aaya hun

Naseem Shahjahanpuri

---

---

tanhai ke lamhat ka ehsas hua hai
jab taron bhari raat ka ehsas hua hai

Naseem Shahjahanpuri

---

---