nahin manzur jab milna to wade ki zarurat kya
ye tum ko jhuTi-muTi aadat-e-iqrar kaisi hai

Muztar Khairabadi

---

---

namak-pash zaKHm-e-jigar ab to aa ja
mera dil bahut be-maza ho raha hai

Muztar Khairabadi

---

---

nazar ke samne kaba bhi hai kalisa bhi
yahi to waqt hai taqdir aazmane ka

Muztar Khairabadi

---

---

nichhawar but-kade par dil karun kaba to koson hai
kahan le jaun itni dur qurbani mohabbat ki

Muztar Khairabadi

---

---

nigah-e-yar mil jati to hum shagird ho jate
zara ye sikh lete dil ke le lene ka Dhab kya hai

Muztar Khairabadi

---

---

nigahon mein phirti hai aaThon-pahar
qayamat bhi zalim ka qad ho gai

Muztar Khairabadi

---

---

paD gae zulfon ke phande aur bhi
ab to ye uljhan hai chande aur bhi

Muztar Khairabadi

---

---