mohabbat but-kade mein chal ke us ka faisla kar de
KHuda mera KHuda hai ya ye murat hai KHuda meri

Muztar Khairabadi

---

---

mohabbat ka asar phir dekhna marne to do mujh ko
wo mere sath zinda dafn ho jaen ajab kya hai

Muztar Khairabadi

---

---

mohabbat mein kisi ne sar paTakne ka sabab puchha
to kah dunga ki apni mushkilen aasan karta hun

Muztar Khairabadi

---

---

mohabbat qadr-dan hoti to phir kahe ka rona tha
hamein bhi tum samajhte tum ko jaisa hum samajhte hain

Muztar Khairabadi

---

---

na ro itna parae waste ai dida-e-giryan
kisi ka kuchh nahin jata teri binai jati hai

Muztar Khairabadi

---

---

na us ke daman se main hi uljha na mere daman se ye hi aTki
hawa se mera bigaD kya hai jo sham-e-turbat bujha rahi hai

Muztar Khairabadi

---

---

nahin hun main to teri bandagi ke kya mani
nahin hai tu to KHuda kaun hai zamane ka

Muztar Khairabadi

---

---