pahle rag rag se meri KHun nichoDa us ne
ab ye kahta hai ki rangat hi meri pili hai

Muzaffar Warsi

---

---

sans leta hun ki pat-jhaD si lagi hai mujh mein
waqt se TuT rahe hain mere bandhan jaise

Muzaffar Warsi

---

---

wada muawze ka na karta agar KHuda
KHairaat bhi saKHi se na milti faqir ko

Muzaffar Warsi

---

---

zaKHm-e-tanhai mein KHushbu-e-hina kis ki thi
saya diwar pe mera tha sada kis ki thi

Muzaffar Warsi

---

---

zindagi tujh se har ek sans pe samjhauta karun
shauq jine ka hai mujh ko magar itna bhi nahin

Muzaffar Warsi

---

---

ahut qarib hai 'muztar' wo zindagi ka nizam
nazar na aaega jab koi bismil o qatil

Muztar Haidri

---

---

hae be-chehragi ye insan ki
hae ye aadmi-numa kya hai

Muztar Haidri

---

---