yahi zindagi musibat yahi zindagi musarrat
yahi zindagi haqiqat yahi zindagi fasana

Moin Ahsan Jazbi

---

---

yun baDhi saat-ba-saat lazzat-e-dard-e-firaq
rafta rafta main ne KHud ko dushman-e-jaan kar diya

Moin Ahsan Jazbi

---

---

zabt-e-gham be-sabab nahin 'jazbi'
KHalish-e-dil baDha raha hun main

Moin Ahsan Jazbi

---

---

kuchh kamaya nahin bazar-e-KHabar mein rah kar
band dukkan karen be-KHabari pesha karen

Moin Najmi

---

---

teri nigah to is daur ki zakat hui
jo mustahiq hai usi tak nahiin pahunchti hai

Moin Shadab

---

---

us se milne ki KHushi baad mein dukh deti hai
jashn ke baad ka sannaTa bahut khalta hai

Moin Shadab

---

---

aap ki kaun si baDhi izzat
main agar bazm mein zalil hua

Momin Khan Momin

---

---