kuchh to is dil ko saza di jae
us ki taswir haTa di jae

Mohammad Alvi

---

---

kyun sar khapa rahe ho mazamin ki khoj mein
kar lo jadid shaeri lafzon ko joD ka

Mohammad Alvi

---

---

laDki achchhi hai 'alwi'
nam us ka mar jaana hai

Mohammad Alvi

---

---

lambi saDak pe dur talak koi bhi na tha
palken jhapak raha tha daricha khula hua

Mohammad Alvi

---

---

log kahte hain ki mujh sa tha koi
wo jo bachchon ki tarah roya tha

Mohammad Alvi

---

---

mana ki tu zahin bhi hai KHub-ru bhi hai
tujh sa na main hua to bhala kya bura hua

Mohammad Alvi

---

---

main KHud ko marte hue dekh kar bahut KHush hun
ye Dar bhi hai ki meri aankh khul na jae kahin

Mohammad Alvi

---

---