hua aawara hindostan se 'lutf' aage KHuda jaane
deccan ke sanwlon ne mara ya inglan ke goron ne

Mirza Ali Lutf

---

---

idhar se jitni yagangat ki udhar se utni hui judai
baDhai thoDi si jab idhar se bahut si tum ne udhar ghaTai

Mirza Ali Lutf

---

---

khul gaya ab ye ki wasl us ka KHayal-e-KHam hai
aaj ummidon ka dil hi dil mein qatl-e-am hai

Mirza Ali Lutf

---

---

kis ko bahlate ho shishe ka gulu TuT gaya
KHum mere munh se laga do jo subu TuT gaya

Mirza Ali Lutf

---

---

kya sabab batlaen hanste hanste baham ruk gae
KHud-baKHud kuchh wo khinche idhar udhar hum ruk gae

Mirza Ali Lutf

---

---

na kar ai 'lutf' nahaq rahrawan-e-dair se hujjat
yahi rasta to kha kar pher hai kabe ko ja nikla

Mirza Ali Lutf

---

---

nahin wo hum ki kahne se tere har but ke bande hon
kare paida bhi gar naseh tu us ghaarat-gar-e-din sa

Mirza Ali Lutf

---

---