'mir' sahab tum farishta ho to ho
aadmi hona to mushkil hai miyan

Mir Taqi Mir

---

---

'mir' un nim-baz aankhon mein
sari masti sharab ki si hai

Mir Taqi Mir

---

---

aaj kya jaane wo kyun aaram-e-jaan aaya nahin
harf-e-ranjish kal to koi darmiyan aaya nahin

Mirza Ali Lutf

---

---

aiTh kar masjid mein rindon se na itna bigaDiye
shaiKH-ji aate ho maiKHane ke bhi akasr taraf

Mirza Ali Lutf

---

---

eganon ne kabhi na wo kanon sunai baat
afsos aashna ne jo aankhon dikhai baat

Mirza Ali Lutf

---

---

der tak zabt-e-suKHan kal us mein aur hum mein raha
bol uThe ghabra ke jab aaKHir ke tain dam ruk gae

Mirza Ali Lutf

---

---

hum aur farhad bahr-e-ishq mein baham hi kude the
jo us ke sar se guzra aab meri ta-kamar aaya

Mirza Ali Lutf

---

---