hoti nahin hai yunhi ada ye namaz-e-ishq
yan shart hai ki apne lahu se wazu karo

Khalilur Rahman Azmi

---

---

jaane kyun ek KHayal sa aaya
main na hunga to kya kami hogi

Khalilur Rahman Azmi

---

---

koi to baat hogi ki karne paDe hamein
apne hi KHwab apne hi qadmon se paemal

Khalilur Rahman Azmi

---

---

koi waqt batla ki tujh se milun
meri dauDti bhagti zindagi

Khalilur Rahman Azmi

---

---

kyun har ghaDi zaban pe ho jurm-o-saza ka zikr
kyun har amal ki fikr mein KHauf-e-KHuda ki shart

Khalilur Rahman Azmi

---

---

lakh sada sahi teri ye jabin ki tahrir
is se aksar mere afkar ko milti hai zaban

Khalilur Rahman Azmi

---

---

main apne ghar ko bulandi pe chaDh ke kya dekhun
uruj-e-fan meri dahliz par utar mujhe

Khalilur Rahman Azmi

---

---