hum ne to KHud ko bhi miTa Dala
tum ne to sirf bewafai ki

Khalilur Rahman Azmi

---

---

hum pe jo guzri hai bas us ko raqam karte hain
aap-biti kaho ya marsiya-KHwani kah lo

Khalilur Rahman Azmi

---

---

hum sa mile koi to kahen us se haal-e-dil
hum ban gae zamane mein kyun apni hi misal

Khalilur Rahman Azmi

---

---

hamare baad us marg-e-jawan ko kaun samjhega
irada hai ki apna marsiya bhi aap hi likh len

Khalilur Rahman Azmi

---

---

hamein to ras na aai kisi ki mahfil bhi
koi KHuda koi ham-saya-e-KHuda nikla

Khalilur Rahman Azmi

---

---

har ek lai meri ukhDi ukhDi si dil ka har tar jaise zaKHmi
ye kaun si aag jal rahi hai ye meri giton ko kya hua hai

Khalilur Rahman Azmi

---

---

hazar tarah ki mai pi hazar tarah ke zahr
na pyas hi bujhi apni na hausla nikla

Khalilur Rahman Azmi

---

---