mere raste mein jo raunaq thi mere fan ki thi
mere ghar mein jo andhera tha mera apna tha

Kaifi Wijdani

---

---

sirf darwaze talak ja ke hi lauT aaya hun
aisa lagta hai ki sadiyon ka safar kar aaya

Kaifi Wijdani

---

---

tu ek qadam bhi jo meri taraf baDha deta
main manzilen teri dahliz se mila deta

Kaifi Wijdani

---

---

zamin ke zaKHm samundar to bhar na paega
ye kaam dida-e-tar tujh ko saunpna hoga

Kaifi Wijdani

---

---

jaane kya soch ke hum tujh se wafa karte hain
qarz hai pichhle janm ka so ada karte hain

Kailash Mahir

---

---

ishta-e-dard ki miras mili hai hum ko
hum tere nam pe jine ki KHata karte hain

Kailash Mahir

---

---

tum bhi is shahr mein ban jaoge patthar jaise
hansne wala yahan koi hai na rone wala

Kailash Mahir

---

---