nau-giraftar-e-mohabbat hun meri waza se tum
itna ghabrao na pyare main sambhal jaunga

Jurat Qalandar Bakhsh

---

---

payam ab wo nahin bhejta zabani bhi
ki jis ki honTon mein lete the hum zaban har roz

Jurat Qalandar Bakhsh

---

---

pichhe pichhe mere chalne se ruko mat sahib
koi puchhega to kahiyo ye hai naukar mera

Jurat Qalandar Bakhsh

---

---

puchhi jo us se main dil-e-sad-chaak ki KHabar
uljha ke apni zulf wo shane se uTh gaya

Jurat Qalandar Bakhsh

---

---

puchho na kuchh sabab mere haal-e-tabah ka
ulfat ka ye samar hai natija hai chah ka

Jurat Qalandar Bakhsh

---

---

qaem rahe kya imarat-e-dil
buniyaad mein to paDa hai Dhahna

Jurat Qalandar Bakhsh

---

---

qafas mein ham-safiro kuchh to mujh se baat kar jao
bhala main bhi kabhi to rahne wala tha gulistan ka

Jurat Qalandar Bakhsh

---

---