hum aagahi ko rote hain aur aagahi hamein
waraftagi-e-shauq kahan le chali hamein

Javed Kamal Rampuri

---

---

phir kai zaKHm-e-dil mahak uTThe
phir kisi bewafa ki yaad aai

Javed Kamal Rampuri

---

---

wahi be-wajh udasi wahi be-nam KHalish
rah-o-rasm-e-dil-e-nakaam se ji Darta hai

Javed Kamal Rampuri

---

---

hai dilon ka wahi jo dana-e-tasbih ka haal
yun mile hain pa hain dar-asl juda ek se ek

Javed Lakhnvi

---

---

jis jagah jaen bana len tere wahshi sahra
KHak le aae hain muTThi mein bayabanon ki

Javed Lakhnvi

---

---

kahin aisa na ho mar jaun main hasrat hi hasrat mein
jo lena ho to le lo sab se pahle imtihan mera

Javed Lakhnvi

---

---

KHak uD ke hamari tere kuche mein pahunchti
taqdir thi ye bhi ki hawa bhi na chali aaj

Javed Lakhnvi

---

---