thi hausle ki baat zamane mein zindagi
qadmon ka fasla bhi yahan ek jast tha

Ibrahim Ashk

---

---

teri zamin se uThenge to aasman honge
hum aise log zamane mein phir kahan honge

Ibrahim Ashk

---

---

ye aur baat hai ki barhana thi zindagi
maujud phir bhi mere badan par libas tha

Ibrahim Ashk

---

---

zindagi apni musalsal chahaton ka ek safar
is safar mein bar-ha mil kar bichhaD jata hai wo

Ibrahim Ashk

---

---

zindagi wadi o sahra ka safar hai kyun hai
itni viran meri rah-guzar hai kyun hai

Ibrahim Ashk

---

---

apni ghurbat ki kahani hum sunaen kis tarah
raat phir bachcha hamara rote rote so gaya

Ibrat Machlishahri

---

---

jab aa jati hai duniya ghum phir kar apne markaz par
to wapas lauT kar guzre zamane kyun nahin aate

Ibrat Machlishahri

---

---