kya shaKHs tha uData raha umr bhar mujhe
lekin hawa se hath milane nahin diya

Hasan Abbas Raza

---

---

main phir ek KHat tere aangan girana chahta hun
mujhe phir se tera rang-e-burida dekhna hai

Hasan Abbas Raza

---

---

main tark-e-talluq pe bhi aamada hun lekin
tu bhi to mera qarz-e-gham-e-hijr ada ka

Hasan Abbas Raza

---

---

makin yahin ka hai lekin makan se bahar hai
abhi wo shaKHs meri dastan se bahar hai

Hasan Abbas Raza

---

---

mohabbaten to faqat intihaen mangti hain
mohabbaton mein bhala e'tidal kya karna

Hasan Abbas Raza

---

---

sawal ye nahin mujh se hai kyun gurezan wo
sawal ye hai ki kyun jism o jaan se bahar hai

Hasan Abbas Raza

---

---

sham-e-widaa thi magar us rang-baz ne
panw pe honT rakh diye jaane nahin diya

Hasan Abbas Raza

---

---