jis ki aankhon mein kaTi thin sadiyan
us ne sadiyon ki judai di hai

Gulzar

---

---

kanch ke par tere hath nazar aate hain
kash KHushbu ki tarah rang hina ka hota

Gulzar

---

---

kabhi to chaunk ke dekhe koi hamari taraf
kisi ki aankh mein hum ko bhi intizar dikhe

Gulzar

---

---

kal ka har waqia tumhaara tha
aaj ki dastan hamari hai

Gulzar

---

---

KHamoshi ka hasil bhi ek lambi si KHamoshi thi
un ki baat suni bhi hum ne apni baat sunai bhi

Gulzar

---

---

KHushbu jaise log mile afsane mein
ek purana KHat khola anjaane mein

Gulzar

---

---

kitni lambi KHamoshi se guzra hun
un se kitna kuchh kahne ki koshish ki

Gulzar

---

---