jab jawani gai chhuDa kar hath
us pe piri na kuchh chali dil ki
George Puech Shor
jahan mein zar ka hai karKHana na koi apna na hai yagana
talash-e-daulat mein hai zamana KHuda hi hafiz hai muflisi ka
George Puech Shor
nahin hai TuTe ki buTi jahan mein paida
shikasta jab hua tar-e-nafas nahin chalta
George Puech Shor
paik-e-KHayal bhi hai ajab kya jahan-numa
aaya nazar wo pas jo apne se dur tha
George Puech Shor
uke hai aamad-o-shud mein nafas nahin chalta
yahi hai hukm-e-ilahi to bas nahin chalta
George Puech Shor
shauq ne ki jo rahbari dil ki
manzil-e-ishq tai hui dil ki
George Puech Shor
tumhaare ishq mein kya kya na iKHtiyar kiya
kabhi falak ka kabhi ghair ka waqar kiya
George Puech Shor

