ya dupaTTa na lijiye sar par
ya dupaTTa sambhaal kar chaliye

Abdul Hamid Adam

---

---

ye kya ki tum ne jafa se bhi hath khinch liya
meri wafaon ka kuchh to sila diya hota

Abdul Hamid Adam

---

---

ye roz-marra ke kuchh waqiat-e-shadi-o-gham
mere KHuda yahi insan ki zindagani hai

Abdul Hamid Adam

---

---

zaban-e-hosh se ye kufr sarzad ho nahin sakta
main kaise bin piye le lun KHuda ka nam ai saqi

Abdul Hamid Adam

---

---

zara ek tabassum ki taklif karna
ki gulzar mein phul murjha rahe hain

Abdul Hamid Adam

---

---

zindagi hai ek kirae ki KHushi
sukhte talab ka pani hun main

Abdul Hamid Adam

---

---

zindagi zor hai rawani ka
kya thamega bahaw pani ka

Abdul Hamid Adam

---

---