kashti chala raha hai magar kis ada ke sath
hum bhi na Dub jaen kahin na-KHuda ke sath

Abdul Hamid Adam

---

---

kaun angDai le raha hai 'adam'
do jahan laDkhaDae jate hain

Abdul Hamid Adam

---

---

KHuda ne gaDh to diya aalam-e-wajud magar
sajawaTon ki bina auraton ki zat hui

Abdul Hamid Adam

---

---

kisi hasin se lipaTna ashad zaruri hai
hilal-e-id to koi subut-e-id nahin

Abdul Hamid Adam

---

---

kisi jaanib se koi mah-jabin aane hi wala hai
mujhe yaad aa rahi hai aaj mathura aur kashi ki

Abdul Hamid Adam

---

---

kuchh kuchh meri aankhon ka tasarruf bhi hai shamil
itna to hasin tu mere gulfam nahin hai

Abdul Hamid Adam

---

---

lazzat-e-gham to baKHsh di us ne
hausle bhi 'adam' diye hote

Abdul Hamid Adam

---

---