meri gali ke makin ye mere rafiq-e-safar
ye log wo hain jo chehre badalte rahte hain

Akhtar Hoshiyarpuri

---

---

na jaane log Thaharte hain waqt-e-sham kahan
hamein to ghar mein bhi rukne ka hausla na hua

Akhtar Hoshiyarpuri

---

---

nikal kar aa gae hain jangalon mein
makan ko la-makan karna paDa hai

Akhtar Hoshiyarpuri

---

---

purane KHwabon se reza reza badan hua hai
ye chahta hun ki ab naya koi KHwab dekhun

Akhtar Hoshiyarpuri

---

---

uh ki gahrai mein pata hun peshani ke zaKHm
sirf chaha hi nahin main ne use puja bhi hai

Akhtar Hoshiyarpuri

---

---

sailab umanD ke shahar ki galiyon mein aa gae
lekin gharib-e-shahr ka daman na tar hua

Akhtar Hoshiyarpuri

---

---

sar pe tufan bhi hai samne girdab bhi hai
meri himmat ki wahi kachcha ghaDa hai dekho

Akhtar Hoshiyarpuri

---

---