tumhein nahin ho agar aaj gosh-bar-awaz
ye meri fikr ye meri nawa hai kis ke liye

Akbar Ali Khan Arshi Zadah

---

---

wahi guman hai jo us mehrban se pahle tha
wahin se phir ye safar hai jahan se pahle tha

Akbar Ali Khan Arshi Zadah

---

---

wahi mayusi ka aalam wahi naumidi ka rang
zindagi bhi kisi muflis ki dua ho jaise

Akbar Ali Khan Arshi Zadah

---

---

wo ek lamha mujhe kyun sata raha hai ki jo
nahin ke baad magar us ki han se pahle tha

Akbar Ali Khan Arshi Zadah

---

---

wo sun raha hai meri be-zabaniyon ki zaban
jo harf-o-saut-o-sada-o-zaban se pahle tha

Akbar Ali Khan Arshi Zadah

---

---

yaad ban ke pahlu mein mausamon ke bistar par
karwaTen badalti hain mehrbaniyan sari

Akbar Ali Khan Arshi Zadah

---

---

ye ek sawal hai shikwa nahin gila bhi nahin
mere KHuda tera lutf-o-ata hai kis ke liye

Akbar Ali Khan Arshi Zadah

---

---