zindagi! tujh sa munafiq bhi koi kya hoga
tera shahkar hun aur tera hi mara hua hun

Ahmad Fareed

---

---

ajib wahshaten hisse mein apne aai hain
ki tere ghar bhi pahunch kar sakun na paen hum

Ahmad Hamdani

---

---

kyun hamare sans bhi hote hain logon par giran
hum bhi to ek umr le kar is jahan mein aae the

Ahmad Hamdani

---

---

tu mayassar tha to dil mein the hazaron arman
tu nahin hai to har ek samt ajab rang-e-malal

Ahmad Hamdani

---

---

wo meri rah mein kanTe bichhae main lekin
usi ko pyar karun us pe e'tibar karun

Ahmad Hamdani

---

---

aasman khae to zamin dekhe
dahan-e-gor ka niwala hun

Ahmad Husain Mail

---

---

agarche wo be-parda aae hue hain
chhupane ki chizen chhupae hue hain

Ahmad Husain Mail

---

---