main wo basti hun ki yaad-e-raftagan ke bhes mein
dekhne aati hai ab meri hi virani mujhe
Hafeez Jalandhari
meri qismat ke nawishte ko miTa de koi
mujh ko qismat ke nawishte ne miTa rakkha hai
Hafeez Jalandhari
mera tajraba hai ki is zindagi mein
pareshaniyan hi pareshaniyan hain
Hafeez Jalandhari
mere Dub jaane ka bais na puchho
kinare se Takra gaya tha safina
Hafeez Jalandhari
meri majburiyan kya puchhte ho
ki jine ke liye majbur hun main
Hafeez Jalandhari
mohabbat karo aur nibaho to puchhun
ye dushwariyan hain ki aasaniyan hain
Hafeez Jalandhari
mujh ko na suna KHizr o sikandar ke fasane
mere liye yaksan hai fana ho ki baqa ho
Hafeez Jalandhari

