mir ke baad ghaalib o iqbaal
ek sada, ek sadi mein guzri hai

Gulzar Dehlvi

---

---

umr jo be-KHudi mein guzri hai
bas wahi aagahi mein guzri hai

Gulzar Dehlvi

---

---

sad-sala daur-e-charKH tha saghar ka ek daur
nikle jo mai-kade se to duniya badal gai

Gustakh Rampuri

---

---

dharti aur ambar par donon kya ranai banT rahe the
phul khila tha tanha tanha chand uga tha tanha tanha

Gyan Chand

---

---

fikr ki duniya mein columbus bana phirta hun main
ilm ki pahnai ka kitna baDa faizan hai

Gyan Chand

---

---

chahte bhi hain chahte bhi nahin
dosti ki nai misal hai ye

Habab Tirmizi

---

---

aafiyat ki ummid kya ki abhi
dil-e-ummid-war baqi hai

Habeeb Ahmad Siddiqui

---

---