jawe thi jasusi-e-majnun ko ta rahat na le
warna kab laila ko tha sahra mein jaane ka dimagh

Wali Uzlat

---

---

ja kar fana ke us taraf aasuda main hua
main aalam-e-adam mein bhi dekha maza na tha

Wali Uzlat

---

---

ishq gore husn ka aashiq ke dil ko de jala
sanwlon ke aashiqon ka dil hai kala koela

Wali Uzlat

---

---

is zamane mein buzurgi siflagi ka nam hai
jis ki Tikiya mein phire ungli so ho jawe tera

Wali Uzlat

---

---

hindu o muslimin hain hirs-o-hawa-parast
ho aashna-parast wahi hai KHuda-parast

Wali Uzlat

---

---

hum us ki zulf ki zanjir mein hue hain asir
sajan ke sar ki bala aa paDi hamare gale

Wali Uzlat

---

---

ghanimat bujh lewen mere dard-alud nalon ko
ye diwana bahut yaad aaega shahri ghazalon ko

Wali Uzlat

---

---

gae sab mard rah gae rahzan ab ulfat se kaamil hun
ai dil walo main in dil waliyon se saKHt be-dil hun

Wali Uzlat

---

---

aad-e-bahaar mein sab aatish junun ki hai
har sal aawati hai garmi mein fasl-e-holi

Wali Uzlat

---

---