ishq ki rah mein yun had se guzar mat jaana
hon ghaDe kachche to dariya mein utar mat jaana

Wali Aasi

---

---

aaj tak jo bhi hua us ko bhula dena hai
aaj se tai hai ki dushman ko dua dena hai

Wali Aasi

---

---

is tarah roz hum ek KHat use likh dete hain
ki na kaghaz na siyahi na qalam hota hai

Wali Aasi

---

---

hamein tere siwa is duniya mein kisi aur se kya lena-dena
hum sab ko jawab nahin dete hum sab se sawal nahin karte

Wali Aasi

---

---

hamein anjam bhi malum hai lekin na jaane kyun
charaghon ko hawaon se bachana chahte hain hum

Wali Aasi

---

---

hamare shahr mein ab har taraf wahshat barasti hai
so ab jangal mein apna ghar banana chahte hain hum

Wali Aasi

---

---

hum KHun ki qisten to kai de chuke lekin
ai KHak-e-watan qarz ada kyun nahin hota

Wali Aasi

---

---

hum haar gae tum jit gae hum ne khoya tum ne paya
in chhoTi chhoTi baaton ka hum koi KHayal nahin karte

Wali Aasi

---

---

gham ke rishton ko kabhi toD na dena 'wali'
gham KHayal-e-dil-e-na-shad bahut karta hai

Wali Aasi

---

---