har chand 'wahshat' apni ghazal thi giri hui
mahfil suKHan ki gunj uThi wah wah se

Wahshat Raza Ali Kalkatvi

---

---

is zamane mein KHamoshi se nikalta nahin kaam
nala pur-shor ho aur zoron pe fariyaad rahe

Wahshat Raza Ali Kalkatvi

---

---

jo giraftar tumhaara hai wahi hai aazad
jis ko aazad karo tum kabhi aazad na ho

Wahshat Raza Ali Kalkatvi

---

---

kaThin hai kaam to himmat se kaam le ai dil
bigaD kaam na mushkil samajh ke mushkil ko

Wahshat Raza Ali Kalkatvi

---

---

KHak mein kis din milati hai mujhe
us se milne ki tamanna dekhiye

Wahshat Raza Ali Kalkatvi

---

---

KHayal tak na kiya ahl-e-anjuman ne zara
tamam raat jali shama anjuman ke liye

Wahshat Raza Ali Kalkatvi

---

---

kis tarah husn-e-zaban ki ho taraqqi 'wahshat'
main agar KHidmat-e-urdu-e-mualla na karun

Wahshat Raza Ali Kalkatvi

---

---

kuchh samajh kar hi hua hun mauj-e-dariya ka harif
warna main bhi jaanta hun aafiyat sahil mein hai

Wahshat Raza Ali Kalkatvi

---

---

majal-e-tark-e-mohabbat na ek bar hui
KHayal-e-tark-e-mohabbat to bar bar kiya

Wahshat Raza Ali Kalkatvi

---

---