izhaar-e-ishq us se na karna tha 'shefta'
ye kya kiya ki dost ko dushman bana diya

Shefta Mustafa Khan

---

---

jis lab ke ghair bose len us lab se 'shefta'
kambaKHt galiyan bhi nahin mere waste

those lips that others get to kiss alas on them I see
not even curses or abuse are now assigned for me

Shefta Mustafa Khan

---

---

kis liye lutf ki baaten hain phir
kya koi aur sitam yaad aaya

Shefta Mustafa Khan

---

---

shayad isi ka nam mohabbat hai 'shefta'
ek aag si hai sine ke andar lagi hui

Shefta Mustafa Khan

---

---

tufan-e-nuh lane se ai chashm faeda
do ashk bhi bahut hain agar kuchh asar karen

Shefta Mustafa Khan

---

---

uDti si 'shefta' ki KHabar kuchh suni hai aaj
lekin KHuda kare ye KHabar mo'tabar na ho

Shefta Mustafa Khan

---

---