hum 'kabir' is kal ke khaDe hain KHali hath
sang kisi ke hum nahin aur hum sab ke sath

Sheen Kaaf Nizam

---

---

gali ke moD se ghar tak andhera kyun hai 'nizam'
charagh yaad ka us ne bujha diya hoga

Sheen Kaaf Nizam

---

---

ek aaseb hai har ek ghar mein
ek hi chehra dar-ba-dar chamke

Sheen Kaaf Nizam

---

---

dosti ishq aur wafadari
saKHt jaan mein bhi narm goshe hain

Sheen Kaaf Nizam

---

---

dhul uDti hai dhup baiThi hai
os ne aansuon ka ghar chhoDa

Sheen Kaaf Nizam

---

---

darwaza koi ghar se nikalne ke liye de
be-KHauf koi rasta chalne ke liye de

Sheen Kaaf Nizam

---

---

chubhan ye piTh mein kaisi hai muD ke dekh to le
kahin koi tujhe pichhe se dekhta hoga

Sheen Kaaf Nizam

---

---

ich ka baDhta hua har fasla le jaega
ek tufan aaega sab kuchh baha le jaega

Sheen Kaaf Nizam

---

---

arson se ghumta hai isi tarah raat din
lekin zamin milti nahin aasman ko

Sheen Kaaf Nizam

---

---