pata nahin ye tamanna-e-qurb kab jagi
mujhe to sirf use sochne ki aadat thi

Shariq Kaifi

---

---

manzilon par hum milen ye tai hua
wapsi mein sath pakka kar liya

Shariq Kaifi

---

---

main kisi dusre pahlu se use kyun sochun
yun bhi achchha hai wo jaisa nazar aata hai mujhe

Shariq Kaifi

---

---

larazte kanpte hathon se buDha
chilam mein phir koi dukh bhar raha tha

Shariq Kaifi

---

---

kya mila dasht mein aa kar tere diwane ko
ghar ke jaisa hi agar jagna sona hai yahan

Shariq Kaifi

---

---

kis tarah aae hain is pahli mulaqat talak
aur mukammal hai juda hone ki tayyari bhi

Shariq Kaifi

---

---

kis ehsas-e-jurm ki sab karte hain tawaqqo
ek kirdar kiya tha jis mein qatil tha main

Shariq Kaifi

---

---

KHwab waise to ek inayat hai
aankh khul jae to musibat hai

Shariq Kaifi

---

---

kaun tha wo jis ne ye haal kiya hai mera
kis ko itni aasani se hasil tha main

Shariq Kaifi

---

---