kam-sini jin ki hamein yaad hai aur kal ki hi baat
aaj unhen dekhiye kya ho gae kya se baDh ka

Sharaf Mujaddidi

---

---

jis ko chaha tu ne us ko mil gaya
warna tujh ko pane wala kaun tha

Sharaf Mujaddidi

---

---

aalam-e-ishq mein allah-re nazar ki wusat
nuqta-e-wahm hua gumbad-e-gardun mujh ko

Sharaf Mujaddidi

---

---

is parde mein ye husn ka aalam hai ilahi
be-parda wo ho jaen to kya jaaniye kya ho

Sharaf Mujaddidi

---

---

intiha-e-marifat se ai 'sharaf'
main ne jo dekha jo samjha kuchh na tha

Sharaf Mujaddidi

---

---

hazrat-e-naseh bhi mai pine lage
ab mujhe samjhane wala kaun tha

Sharaf Mujaddidi

---

---

hairat mein hun ilahi kyun-kar ye KHatm hoga
kotah roz-e-mahshar qissa daraaz mera

Sharaf Mujaddidi

---

---

ek ko ek nahin rashk se marne deta
ye naya kucha-e-qatil mein tamasha dekha

Sharaf Mujaddidi

---

---

duKHt-e-raz zahid se boli mujh se ghabraate ho kyun
kya tumhin ho pak-daman parsa main bhi to hun

Sharaf Mujaddidi

---

---