waqia ye hai ki rasta aur viran ho gaya
peD to apni taraf se phul barsate rahe

Shahzad Ahmad

---

---

wo mujhe pyar se dekhe bhi to phir kya hoga
mujh mein itni bhi sakat kab hai ki dhoka khaun

Shahzad Ahmad

---

---

wo meri subhon ka tara wo meri raaton ka chand
mere dil ki raushni to tha magar mera na tha

Shahzad Ahmad

---

---

wo koi aur hai jis ne tujhe chaha hoga
shahr mein log bahut se meri surat ke bhi hain

Shahzad Ahmad

---

---

wo KHush-nasib the jinhen apni KHabar na thi
yan jab bhi aankh kholiye aKHbar dekhiye

Shahzad Ahmad

---

---

wo kaun hai use suraj kahun ki rang kahun
karunga zikr to KHushbu zaban se aaegi

Shahzad Ahmad

---

---

viran to nahin shab-e-tarik ki faza
har-su hawa-e-baada se kuchh raushni to hai

Shahzad Ahmad

---

---

umr bhar sunta rahun apni sada ki bazgasht
ya teri aawaz bhi aaegi mere kan mein

Shahzad Ahmad

---

---

umr jitni bhi kaTi us ke bharose pe kaTi
aur ab sochta hun us ka bharosa kya tha

Shahzad Ahmad

---

---