jaise meri nigah ne dekha na ho kabhi
mahsus ye hua tujhe har bar dekh ka

Shad Azimabadi

---

---

ab bhi ek umr pe jine ka na andaz aaya
zindagi chhoD de pichha mera main baz aaya

Shad Azimabadi

---

---

izhaar-e-muddaa ka irada tha aaj kuchh
tewar tumhaare dekh ke KHamosh ho gaya

thoughI had intended my feelings to convey
seeing your disposition, I did not dare to say

Shad Azimabadi

---

---

hun is kuche ke har zarre se aagah
idhar se muddaton aaya gaya hun

Shad Azimabadi

---

---

hazar shukr main tere siwa kisi ka nahin
hazar haif ki ab tak hua na tu mera

Shad Azimabadi

---

---

dil-e-muztar se puchh ai raunaq-e-bazm
main KHud aaya nahin laya gaya hun

Shad Azimabadi

---

---

DhunDoge agar mulkon mulkon milne ke nahin nayab hain hum
jo yaad na aae bhul ke phir ai ham-nafaso wo KHwab hain hum

Shad Azimabadi

---

---

chaman mein ja ke hum ne ghaur se auraq-e-gul dekhe
tumhaare husn ki sharhen likhi hain in risalon mein

Shad Azimabadi

---

---

hare hon aankh mein aansu KHamida gardan ho
to KHamushi ko bhi izhaar-e-muddaa kahiye

Shad Azimabadi

---

---