suraj ke ufuq hote hain manzil nahin hoti
so Dhalta raha jalta raha chalta raha main

Saud Usmani

---

---

samajh liya tha tujhe dost hum ne dhoke mein
so aaj se tujhe bar-e-digar samajhte hain

Saud Usmani

---

---

pakka rasta kachchi saDak aur phir pagDanDi
jaise koi chalte chalte thak jata hai

Saud Usmani

---

---

nazar to apne manazir ke ramz jaanti hai
ki aankh kah nahin sakti suni-sunai hui

Saud Usmani

---

---

aaKHir ek roz utarni hai libaadon ki tarah
tan-e-malbus! ye pahni hui uryani bhi

Saud Usmani

---

---

main chahta hun use aur chahne ke siwa
mere liye to koi aur rasta bhi nahin

Saud Usmani

---

---

kuchh aur bhi darkar tha sab kuchh ke alawa
kya hoga jise DhunDta tha tere siwa main

Saud Usmani

---

---

kisi alaw ka shoala bhaDak ke bolta hai
safar kaThin hai magar ek bar aaKHiri ba

Saud Usmani

---

---

KHwahish hai ki KHud ko bhi kabhi dur se dekhun
manzar ka nazara karun manzar se nikal ka

Saud Usmani

---

---