un se bhi meri dosti un se bhi ranjishen
sine mein ek halqa-e-ahbab aur hai

Saud Usmani

---

---

nazar to apne manazir ke ramz jaanti hai
ki aankh kah nahin sakti suni-sunai hui

Saud Usmani

---

---

pakka rasta kachchi saDak aur phir pagDanDi
jaise koi chalte chalte thak jata hai

Saud Usmani

---

---

samajh liya tha tujhe dost hum ne dhoke mein
so aaj se tujhe bar-e-digar samajhte hain

Saud Usmani

---

---

suraj ke ufuq hote hain manzil nahin hoti
so Dhalta raha jalta raha chalta raha main

Saud Usmani

---

---

tamam umr yahan kis ka intizar hua hai
tamam umr mera kaun intizar karega

Saud Usmani

---

---

teri shikast asl mein meri shikast hai
tu mujh se ek bar bhi haara to main gaya

Saud Usmani

---

---

ye jo main itni sahulat se tujhe chahta hun
dost ek umr mein milti hai ye aasani bhi

Saud Usmani

---

---

ye to duniya bhi nahin hai ki kinara kar le
tu kahan jaega ai dil ke satae hue shaKHs

Saud Usmani

---

---