pairon se bandh leta hun pichhli masafaten
tanha kisi safar pe nikalta nahin hun main

Sarfraz Khalid

---

---

sunte hain bayaban bhi kabhi shahr raha tha
so shahr bhi ek roz bayaban rahega

Sarfraz Khalid

---

---

siyah raat ke pahlu mein jism ke andar
kisi gunah ki KHwahish ko palte rahna

Sarfraz Khalid

---

---

sitam kiye hain to kya tujh se hai hayat meri
qarib aa meri aankhon ke KHwab, zinda hun

Sarfraz Khalid

---

---

sharik wo bhi raha kawish-e-mohabbat mein
shurua us ne kiya tha tamam main ne kiya

Sarfraz Khalid

---

---

aunaq-e-bazm nahin tha koi tujh se pahle
raunaq-e-bazm tere baad nahin hai koi

Sarfraz Khalid

---

---

na chand ka na sitaron na aaftab ka hai
sawal ab ke meri jaan tere jawab ka hai

Sarfraz Khalid

---

---

milte ho to ab tum bhi bahut rahte ho KHamosh
kya tum ko bhi ab meri KHabar hone lagi hai

Sarfraz Khalid

---

---

mere marne ka gham to be-sabab hoga ki ab ke bar
mere andar to koi aur paida hone wala hai

Sarfraz Khalid

---

---