juz hamare kaun aaKHir dekhta is kaam ko
ruh ke andar koi kar-e-badan hota hua

Salim Saleem

---

---

aa raha hoga wo daman se hawa bandhe hue
aaj KHushbu ko pareshan kiya jaega

Salim Saleem

---

---

ek barf si jami rahe diwar-o-baam par
ek aag mere kamre ke andar lagi rahe

Salim Saleem

---

---

hijr ke din to hue KHatm baDi dhum ke sath
wasl ki raat hai kyun marsiya-KHwani karen hum

Salim Saleem

---

---

chaTaKH ke TuT gai hai to ban gai aawaz
jo mere sine mein ek roz KHamushi hui thi

Salim Saleem

---

---

charagh-e-ishq badan se laga tha kuchh aisa
main bujh ke rah gaya us ko hawa banane mein

Salim Saleem

---

---

ujha rakhe hain ye kis ne sabhi charagh-e-hawas
zara sa jhank ke dekhen kahin hawa hi na ho

Salim Saleem

---

---

hare bazar mein baiTha hun liye jins-e-wajud
shart ye hai ki meri KHak ki qimat di jae

Salim Saleem

---

---

apne jaisi koi taswir banani thi mujhe
mere andar se sabhi rang tumhaare nikle

Salim Saleem

---

---