tamam bichhDe huon ko milao aaj ki raat
tamam khoe huon ko ishaara kar ke lao

Salim Saleem

---

---

kya ho gaya ki baiTh gai KHak bhi meri
kya baat hai ki apne hi upar khaDa hun main

Salim Saleem

---

---

main aap apne andheron mein baiTh jata hun
phir is ke baad koi shai chamakti rahti hai

Salim Saleem

---

---

main ghaTta ja raha hun apne andar
tumhein itna ziyaada kar liya hai

Salim Saleem

---

---

meri miTTi mein koi aag si lag jati hai
jo bhaDakti hai tere chhiDke hue pani se

Salim Saleem

---

---

na jaane kaisi girani uThae phirta hun
na jaane kya mere kandhe pe sar sa rahta hai

Salim Saleem

---

---

wo dur tha to bahut hasraten thin pane ki
wo mil gaya hai to ji chahta hai khone ko

Salim Saleem

---

---

zindagi ne jo kahin ka nahin rakkha mujh ko
ab mujhe zid hai ki barbaad kiya jae use

Salim Saleem

---

---

ye kaisi aag hai mujh mein ki ek muddat se
tamasha dekh raha hun main apne jalne ka

Salim Saleem

---

---