naKHuda Dubne walon ki taraf muD ke na dekh
na karenge na kinaron ki tamanna ki hai

Salik Lakhnavi

---

---

miT chuke jo bhi the tauba-shikani ke asbab
ab na mai-KHana na paimana na shisha na subu

Salik Lakhnavi

---

---

manzil na mili kashmakash-e-ahl-e-nazar mein
is bhiD se main apni nazar le ke chala hun

Salik Lakhnavi

---

---

aaj bhi hai wahi maqam aaj bhi lab pe un ka nam
manzil-e-be-shumar-gam apne safar ko kya karun

Salik Lakhnavi

---

---

mahw yun ho gae alfaz-e-dua waqt-e-dua
hath se zarf-e-talab chhuT gaya ho jaise

Salik Lakhnavi

---

---

mal-o-zar ahl-e-duwal samne yun ginte hain
hum faqiron ne na kuchh sarf kiya ho jaise

Salik Lakhnavi

---

---

khinch bhi lijiye achchha to hai taswir-e-junun
aap ki bazm mein kya jaaniye kal hon ki na hon

Salik Lakhnavi

---

---

khanak jate hain jab saghar to pahron kan bajte hain
are tauba baDi tauba-shikan aawaz hoti hai

Salik Lakhnavi

---

---

kahi kisi se na rudad-e-zindagi main ne
guzar dene ki shai thi guzar di main ne

Salik Lakhnavi

---

---