mere KHwabon mein bhi tu mere KHayalon mein bhi tu
kaun si chiz tujhe tujh se juda pesh karun

Sahir Ludhianvi

---

---

main zindagi ka sath nibhata chala gaya
har fikr ko dhuen mein uData chala gaya

Sahir Ludhianvi

---

---

main jise pyar ka andaz samajh baiTha hun
wo tabassum wo takallum teri aadat hi na ho

Sahir Ludhianvi

---

---

mayusi-e-maal-e-mohabbat na puchhiye
apnon se pesh aae hain beganagi se hum

Sahir Ludhianvi

---

---

mana ki is zamin ko na gulzar kar sake
kuchh KHar kam to kar gae guzre jidhar se hum

Sahir Ludhianvi

---

---

lo aaj hum ne toD diya rishta-e-umid
lo ab kabhi gila na karenge kisi se hum

Sahir Ludhianvi

---

---

le de ke apne pas faqat ek nazar to hai
kyun dekhen zindagi ko kisi ki nazar se hum

Sahir Ludhianvi

---

---

koi to aisa ghar hota jahan se pyar mil jata
wahi begane chehre hain jahan jaen jidhar jaen

Sahir Ludhianvi

---

---

kis darja dil-shikan the mohabbat ke hadse
hum zindagi mein phir koi arman na kar sake

Sahir Ludhianvi

---

---