ajib hote hain aadab-e-ruKHsat-e-mahfil
ki wo bhi uTh ke gaya jis ka ghar na tha koi

Sahar Ansari

---

---

dilon ka haal to ye hai ki rabt hai na gurez
mohabbaten to gain thi adawaten bhi gain

Sahar Ansari

---

---

hum ko jannat ki faza se bhi ziyaada hai aziz
yahi be-rang si duniya yahi be-mehr se log

Sahar Ansari

---

---

jaane kyun rang-e-baghawat nahin chhupne pata
hum to KHamosh bhi hain sar bhi jhukae hue hain

Sahar Ansari

---

---

jise guzar gae hum baDe hunar ke sath
wo zindagi thi hamari hunar na tha koi

Sahar Ansari

---

---

kaisi kaisi mahfilen suni huin
phir bhi duniya kis qadar aabaad hai

Sahar Ansari

---

---

mahfil-arai hamari nahin ifraat ka nam
koi ho ya ki na ho aap to aae hue hain

Sahar Ansari

---

---

maut ke baad zist ki bahs mein mubtala the log
hum to 'sahar' guzar gae tohmat-e-zindagi uThae

Sahar Ansari

---

---

mere lahu ko meri KHak-e-naguzir ko dekh
yunhi saliqa-e-arz-e-hunar nahin aaya

Sahar Ansari

---

---