na kaba hai yahan mere na hai but-KHana pahlu mein
liya kis ghar base ne aah aa kar KHana pahlu mein

Raza Azimabadi

---

---

kya kahen apni siyah-baKHti hi ka andher hai
warna sab ki hijr ki raat aisi kali bhi nahin

Raza Azimabadi

---

---

kis tarah 'raza' tu na ho dhawane zamana
jab dil sa teri baiTha ho badnam baghal mein

Raza Azimabadi

---

---

KHwah kafir mujhe kah KHwah musalman ai shaiKH
but ke hathon mein bika ya hun KHuda ki saugand

Raza Azimabadi

---

---

aisa kisi se junun dast-o-gareban na ho
chaak-e-gareban ka bhi chaak gareban kiya

Raza Azimabadi

---

---

kabe mein shaiKH mujh ko samjhe zalil lekin
sau shukr mai-kade mein hai e'tibar apna

Raza Azimabadi

---

---

kaba o dair jidhar dekha udhar kasrat hai
aah kya jaane kidhar gosha-e-tanhai hai

Raza Azimabadi

---

---

jis tarah hum rahe duniya mein hain us tarah 'raza'
shaiKH but-KHane mein kabe mein barahman na raha

Raza Azimabadi

---

---

is chashm o dil ne kahna na mana tamam umr
hum par KHarabi lai ye ghar hi ki phuT-phaT

Raza Azimabadi

---

---